Ստեփանավանին կվերադարձվի կանաչապատ հողատարածք դատական վճռով

Հակակոռուպցիոն դատարանը մարտի 13-ին կայացրած վճռով բավարարել է Գլխավոր դատախազության հայցը՝ ուղղված ֆիզիկական անձի, Ստեփանավան համայնքի, առևտրային բանկի և Կադաստրի կոմիտեի դեմ։ Դատական ակտի ուժի մեջ մտնելուց հետո Լոռու մարզի Ստեփանավան համայնքին կվերադարձվի Բոնդարև 4/1 հասցեում գտնվող 105 քառակուսի մետր ընդհանուր օգտագործման կանաչապատ հողատարածքը։

Գլխավոր դատախազությունը 2024 թվականին Վարչական դատարան էր դիմել Ստեփանավան համայնքի ղեկավարի 2011 թվականի դեկտեմբերի 26-ի որոշումը անվավեր ճանաչելու և դրա հետևանքները վերացնելու պահանջով։ Վարչական դատարանը 2025 թվականի ապրիլին՝ Գլխավոր դատախազության միջնորդությամբ, հայցը վերահասցեագրել էր Հակակոռուպցիոն դատարան։