Ռուսաստանը հարվածել է Դնեպր քաղաքին. մեկ զոհ և հինգ վիրավոր

Ռուսաստանի զինված ուժերն այսօր կեսօրին հարվածել են Ուկրաինայի մեծությամբ երրորդ քաղաք Դնեպրին, հայտնում են ուկրաինական աղբյուրները։ Ըստ նույն աղբյուրների՝ հարվածի հետևանքով մեկ խաղաղ բնակիչ զոհվել է, իսկ ևս հինգը ստացել են տարբեր աստիճանի վնասվածքներ։ Նրանց փոխանցմամբ՝ անօդաչու թռչող սարքը խոցել է քաղաքի խիտ բնակեցված թաղամասերից մեկը։

Դնեպրոպետրովսկի մարզային ռազմական վարչակազմի ղեկավար Ալեքսանդր Գանժան սոցիալական ցանցերում գրել է, որ հարվածի հետևանքով վնասվել է մեկ ավտոմեքենա, տուժել են նաև հարակից խանութներից մի քանիսը։ Դնեպրը գտնվում է Դնեպրոպետրովսկի մարզում և համարվում է Ուկրաինայի մեծությամբ երրորդ քաղաքը։