Պուտինը՝ Հայոց ցեղասպանության 111-րդ տարելիցին. միջազգային հանրությունը պետք է միավորի ջանքերը, որ նման բարբարոսությունը երբեք չկրկնվի
Ռուսաստանի նախագահ Վլադիմիր Պուտինը Հայոց ցեղասպանության 111-րդ տարելիցի կապակցությամբ հղած ուղերձում կոչ է արել միջազգային հանրությանը միավորել ջանքերը, որպեսզի նման բարբարոսությունը երբեք և ոչ մի տեղ չկրկնվի։ Նա ընդգծել է, որ անմեղ մարդկանց դաժան կոտորածը ցնցեց ամբողջ քաղաքակիրթ աշխարհը, իսկ դրա աղետալի հետևանքները հստակ ցույց տվեցին, թե ինչի են հանգեցնում կրոնական ատելության, ազգայնականության և քսենոֆոբիայի հրահրումները։
Պուտինի խոսքով՝ Ռուսաստանի դիրքորոշումն այս հարցում միշտ եղել է անփոփոխ և արտացոլվել է Ռուսաստանի, Մեծ Բրիտանիայի և Ֆրանսիայի համատեղ հռչակագրում, որը դատապարտում է հայ ժողովրդի նկատմամբ բռնությունը որպես հանցագործություն մարդկության և քաղաքակրթության դեմ, իսկ ավելի ուշ՝ նաև ՌԴ Պետդումայի 1995 թվականի ապրիլի 14-ի հայտարարության մեջ։
«Համոզված ենք, որ ազգային hողի վրա մարդկանց զանգվածային բնաջնջման և տեղահանման քաղաքականությունն արդարացում չունի և չի կարող ունենալ, և միջազգային հանրությունը պետք է միավորի ջանքերը, որպեսզի նման բարբարոսությունը երբեք և ոչ մի տեղ չկրկնվի»,— նշել է նա ուղերձում։
Պուտինը նաև վստահություն է հայտնել, որ հայ ժողովուրդը շարունակի է պահպանում ազգային ինքնությունը, բազմահազարամյա մշակույթը, լեզուն, ազատությունն ու հոգևոր արժեքները։ Այսօր Հայոց ցեղասպանության զոհերի հիշատակի 111-րդ տարելիցն է։