Չինաստանի պաշտպանության երկու նախկին նախարարներ դատապարտվել են մահապատժի՝ երկամյա հետաձգմամբ
Չինաստանի պաշտպանության նախկին նախարարներ Ուեյ Ֆենհեն և Լի Շանգֆուն դատապարտվել են մահապատժի՝ երկամյա հետաձգմամբ, հայտնում է Reuters-ը։ Ըստ հաղորդվածի, պաշտպանական գերատեսչության նախկին ղեկավարներին ներկայացվել են կաշառակերության մեղադրանքներ։
Չինական լրատվամիջոցների գնահատմամբ, մահապատժի կատարումն երկու տարով հետաձգելու որոշումը սովորաբար ենթադրում է, որ պատիժը հավանաբար կփոխարինվի ցմահ ազատազրկմամբ, եթե դատապարտյալները այդ ընթացքում նոր հանցանք չկատարեն։ Նախագահ Սի Ծինփինը դեռ 2012-ին հայտարարել էր կոռուպցիայի դեմ լայն պայքարի մասին, որի գլխավոր թիրախներից մեկը դարձան զինված ուժերը։
Այդ շրջանակում այս տարի պաշտոնանկ էր արվել բանակի գեներալ Ժանգ Յուքսիան, որը նաև քաղաքական բյուրոյի անդամ էր և համարվում էր Սիի դաշնակիցներից։ Ավելի վաղ՝ 2023-ին, թիրախում էր հայտնվել նաև հրթիռային ստորաբաժանումը, որը պատասխանատու է երկրի միջուկային զինանոցի համար։
Ռազմավարական ուսումնասիրությունների ինստիտուտն այս տարի գրել էր, որ զինված ուժերի նկատմամբ ճնշումները լուրջ բացեր են առաջացրել ռազմական կառուցակարգում։