Չարլզ Երրորդը Կոնգրեսում. Ուկրաինայի պաշտպանությանը պետք է «անզիջում վճռականություն»
Մեծ Բրիտանիայի թագավոր Չարլզ Երրորդը ԱՄՆ Կոնգրեսում հայտարարեց, որ Ուկրաինայի պաշտպանությունը պահանջում է «անզիջում վճռականություն»՝ այնպիսին, ինչպիսին դրսևորվեց սեպտեմբերտասնմեկյան ահաբեկչություններից հետո։ «Սեպտեմբերտասնմեկյան ահաբեկչությունից անմիջապես հետո, երբ ՆԱՏՕ-ն առաջին անգամ գործադրեց կանոնադրության հինգերորդ հոդվածը...
մենք միասին արձագանքեցինք ահազանգին, ինչպես ավելի քան մեկ դար շարունակ արել են մեր ժողովուրդները», — նշել է նա։ Խոսելով Ռուսաստանի պատերազմի մասին Ուկրաինայի դեմ՝ թագավորը հավելել է. «Այսօր այդ նույն անզիջում վճռականությունն անհրաժեշտ է Ուկրաինայի և իր արիակամ ժողովրդի պաշտպանության համար»։
Չարլզը կարևորել է նաև Միացյալ Նահանգների և դաշնակիցների զինված ուժերի փոխադարձ պաշտպանության հանձնառությունը՝ ընդգծելով. «Դա է ՆԱՏՕ-ի հիմքը»։ Նրա հայտարարություններից առանձին, ԱՄՆ նախագահ Դոնալդ Թրամփը կասկածի տակ է դրել ՆԱՏՕ-ին ամերիկյան աջակցությունը՝ Իրանի հետ պատերազմում օգնության բացակայության պատճառով։
«ՆԱՏՕ-ն սարսափելի սխալ է թույլ տվել, երբ փոքր քանակությամբ ռազմական սպառազինություն չի ուղարկել, երբ նրանք նույնիսկ չեն ընդունել, թե ինչ ենք մենք անում ամբողջ աշխարհի համար, որ մենք դիմակայում ենք Իրանին», — ասել է նա մարտի 27-ին Մայամիում։ Իրանի դեմ ամերիկա-իսրայելական հարձակմանը Չարլզը չանդրադարձավ։