ՄԷԳ-ը քննարկում է նավթի պաշարների ավելացման հնարավորությունը
Միջազգային էներգետիկ գործակալությունը (ՄԷԳ) խորհրդակցություններ է անցկացնում Ասիայի և Եվրոպայի երկրների կառավարությունների հետ՝ անհրաժեշտության դեպքում նավթի պաշարների ավելացման հարցի քննարկման նպատակով։ Այս մասին հայտարարել է գործակալության գործադիր տնօրեն Ֆաթիհ Բիրոլը՝ նշելով, որ «մենք կուսումնասիրենք պայմանները, կվերլուծենք, կգնահատենք շուկաները և կքննարկենք դա մեր մասնակից երկրների հետ»։
Մարտի 11-ին ՄԷԳ-ի անդամ երկրները պայմանավորվել են ռազմավարական պաշարներից ռեկորդային 60 միլիոն տոննա (մոտ 400 միլիոն բարել) նավթ հատկացնել՝ հում նավթի համաշխարհային գների կտրուկ աճի դեմ պայքարելու համար։ Բիրոլը Մերձավոր Արևելքի ընթացիկ ճգնաժամը բնութագրել է որպես ավելի լուրջ, քան 1970-ականների երկու նավթային ցնցումները և ռուս-ուկրաինական պատերազմի հետևանքները գազի արդյունաբերության վրա միասին վերցրած։