ԿԸՀ-ն արտահերթ նիստ գումարեց. օրակարգում՝ քաղաքական ուժերի գրանցումը, անսովոր դրվագ նիստից առաջ

Կենտրոնական ընտրական հանձնաժողովը այսօր գումարեց արտահերթ նիստ, որի օրակարգում քաղաքական ուժերի գրանցումն է։ Նիստի մեկնարկից առաջ արձանագրվեց անսովոր դրվագ. «Բոլորին դեմ եմ» Ժողովրդավարական կուսակցության մի քանի ներկայացուցիչներ փորձեցին դահլիճ մտնել Մարվելի կերպարներով՝ Spider Man, Iron Man, Hulk և Captain America։

Կուսակցությունում նշում էին, որ նման կերպարներով ներկայանալով «իրենց ուժն են ցուցադրում»։ Նիստը սկսելուց առաջ ԿԸՀ նախագահ Վահագն Հովակիմյանը հայտարարեց, որ լիազոր ներկայացուցիչները դիմակով չեն կարող ներս մտնել։ Վերջնականապես, կուսակցության ներկայացուցիչներից մեկը նիստին ներկայացավ Spider Man-ի հագուստով՝ դիմակը հանած։

Նիստի օրակարգում շարունակում է մնալ քաղաքական ուժերի գրանցման հարցը։