Երևանի քաղաքապետը պարգևատրել է Եվրոպայի առաջնության մրցանակակիր հրաձիգներին

Երևանի քաղաքապետ Տիգրան Ավինյանը պարգևատրել է փետրվար ամսին մայրաքաղաքում անցկացված հրաձգության Եվրոպայի առաջնությունում առաջին, երկրորդ և երրորդ տեղերը զբաղեցրած մարզիկներին, ինչպես նաև հավաքականի մարզչին։ Հանդիպման ընթացքում քաղաքապետը նշել է, որ Երևանի քաղաքապետարանը մեծ նշանակություն է տալիս սպորտի զարգացմանը և տարբեր մարզաձևերի մասսայականացմանը՝ որպես առողջ ու ակտիվ համայնք ձևավորելու կարևոր գործոն։

Ավինյանը ընդգծել է, որ վերջին տարիներին Երևանում իրականացվում են բազմաթիվ սպորտային ծրագրեր և միջոցառումներ, որոնք ուղղված են մարզական կյանքի ակտիվացմանը։ Քաղաքապետարանը նպատակ ունի Երևանը վերածել ժամանակակից և զարգացող մարզական կենտրոնի՝ շարունակաբար բարելավելով ենթակառուցվածքները և խթանելով սպորտը համայնքային մակարդակում։