ԱՄՆ դիվանագիտական ներկայացուցչի այցը Ջերմուկ

Վայոց ձորի մարզպետ Վահագն Արսենյանը հանդիպում է ունեցել Հայաստանում ԱՄՆ գործերի ժամանակավոր հավատարմատար Դեյվիդ Ալենի հետ։ Հանդիպումը տեղի է ունեցել Ջերմուկ քաղաքում։ Արսենյանը իր սոցիալական ցանցի էջում նշել է, որ քննարկվել են մարզի զարգացման առաջնահերթ ուղղությունները։

Մասնավորապես, խոսվել է ենթակառուցվածքների բարելավման, զբոսաշրջության խթանման, ներդրումային միջավայրի զարգացման և սոցիալ-տնտեսական ծրագրերի իրականացման մասին։ Հանդիպման ընթացքում շեշտը դրվել է տարածաշրջանի ներուժի բացահայտման և միջազգային համագործակցության ընդլայնման վրա։