Աբխազիա–ՌԴ սահմանը ժամանակավոր փակվել է Սոչիում ԱԹՍ-ների սպառնալիքի պատճառով
Աբխազիայի և Ռուսաստանի սահմանը փակվել է ժամանակավորապես՝ Սոչիում անօդաչու թռչող սարքերի վտանգի պատճառով: Պսոու անցակետով քաղաքացիների և ավտոտրանսպորտի շարժը դադարեցվել է այդ սպառնալիքի հետևանքով, հայտնել է Հանրապետության Պետական անվտանգության ծառայության սահմանապահ ջոկատի ղեկավար Ռուսթամ Լատիպովը։
Նրա խոսքով՝ հակաօդային պաշտպանության ստորաբաժանումներն ու Պետական անվտանգության ծառայության սահմանապահ վարչությունը բերվել են բարձր մարտական պատրաստականության վիճակի՝ արձագանքելու հնարավոր հարձակումներին և ապահովելու անցակետի անվտանգ գործունեությունը։
Օրվա ընթացքում ավելի վաղ Մոսկվայի բոլոր օդանավակայանները ժամանակավորապես դադարեցրել էին աշխատանքը: «Շերեմետևո» օդանավակայանի մամուլի ծառայությունը հայտնել էր, որ պատճառը ուկրաինական անօդաչու թռչող սարքերն էին։ Ավելի ուշ Մոսկվայի քաղաքապետ Սերգեյ Սոբյանինը հայտարարեց, որ հակաօդային պաշտպանության ուժերը հետ են մղել չորս անօդաչու թռչող սարքի հարձակում։
Սահմանային անցումի սահմանափակումը և ուժերի բարձր պատրաստականությունը կիրառվել են այս ֆոնի վրա՝ անվտանգության ռիսկերը նվազեցնելու համար։