Wildberries-ը պարզաբանել է հայ վաճառողների վաճառքների դադարեցման մասին լուրերը՝ կապելով դրանք ՌԴ մաքսային նոր կանոններին
Հայաստանյան ԶԼՄ-ներում շրջանառվող լուրերից հետո, ըստ որոնց Wildberries-ը դադարեցրել է հայաստանյան առևտրային ընկերությունների վաճառքները, ընկերությունը (ԻՄՎԲԱՄ ՍՊԸ) տարածել է պարզաբանում՝ նշելով, որ ընթացիկ իրավիճակը պայմանավորված է Ռուսաստանի Դաշնությունում մաքսային ձևակերպման շրջանակում առանձին ապրանքային կատեգորիաների նկատմամբ վերահսկողության լրացուցիչ ընթացակարգերի կիրառմամբ։
Ընկերության տեղեկացմամբ, տեղի է ունենում մշտական երկխոսություն գործընկերների և համապատասխան կառույցների հետ, իսկ իրավիճակի զարգացումները ուշադիր հետևվում են։ Wildberries-ը հայտնում է, որ աշխատանքի այս շրջանակում կազմակերպվել է հանդիպում հայ վաճառողների հետ, որին մասնակցել են ավելի քան 50 ձեռնարկատերեր։
Ընկերության ներկայացուցիչները գործընկերների հետ քննարկել են առաջացած հարցերը, լսել հետադարձ առաջարկությունները և շարունակվում է համատեղ հնարավոր լուծումների մշակումը։ Ըստ պարզաբանման, ապրիլի 20-ից Ռուսաստանում փոփոխվել են մաքսային ձևակերպման կանոնները։ Նոր պահանջների պահպանման համար վաճառողներից պահանջվում են լրացուցիչ փաստաթղթեր՝ անհրաժեշտ թարմացված ընթացակարգերի շրջանակում։
Միաժամանակ, ընկերությունը ընդգծում է, որ Ռուսաստանի Դաշնությունում պահեստներում արդեն առկա ապրանքները շարունակում են իրացվել սովորական ռեժիմով, իսկ վաճառողները պահպանում են Հայաստանի ներքին շուկայում գործելու հնարավորությունը։ Wildberries-ի փոխանցմամբ՝ բոլոր հարցերը քննարկվում են սահմանված կարգով՝ համապատասխան կողմերի մասնակցությամբ։
Ընկերությունը հույս ունի իրավիճակի փուլային կարգավորման վրա և խոստանում է տեղեկացնել էական փոփոխությունների մասին դրանց առաջացմանը զուգընթաց։