Վենետիկյան Բիենալեի ժյուրին չի դիտարկի այն երկրների գործերը, որոնց առաջնորդների նկատմամբ ՄՔԴ-ն հետապնդում է հարուցել
Վենետիկյան Բիենալեի ժյուրին հայտարարել է, որ մրցանակների համար չի դիտարկելու այն երկրների ներկայացրած արվեստի գործերը, որոնց առաջնորդները Միջազգային քրեական դատարանի կողմից քրեական հետապնդման են ենթարկվում։ Ժյուրին ընդգծել է, որ միջոցառման շրջանակում պարտավորված է զգում նաև մարդավական հանձնառություն վերցնել՝ մարդու իրավունքների պաշտպանության հարցում։
Հեղինակավոր բիենալեն մեկնարկում է մայիսի 9-ին։ Հնգանդամ ժյուրին 110 մասնակցից պետք է ընտրի «Ոսկե առյուծ» և «Արծաթե առյուծ» մրցանակների դափնեկիրներին։ Ժյուրին հայտարարել է, որ կձեռնպահվի դիտարկել այն երկրների աշխատանքները, որոնց ղեկավարների նկատմամբ ՄՔԴ-ն ներկայացրել է մեղադրանքներ և տվել է ձերբակալման օրդերներ։
Միջազգային քրեական դատարանը ձերբակալման օրդերներ է տվել գործող առաջնորդների, այդ թվում՝ Ռուսաստանի նախագահ Վլադիմիր Պուտինին՝ Ուկրաինայում երեխաների դեմ ենթադրյալ հանցագործությունների, և Իսրայելի վարչապետ Բենյամին Նեթանյահուին՝ Գազայում ենթադրյալ պատերազմական հանցագործությունների և մարդկության դեմ հանցագործությունների համար։
Իտալիայում Ռուսաստանի և Իսրայելի դեսպանությունները առայժմ չեն մեկնաբանել ժյուրիի հայտարարությունը։ 2022 թվականին Ուկրաինա Ռուսաստանի լայնամասշտաբ ներխուժումից հետո Ռուսաստանը առաջին անգամ է մասնակցում երկու տարին մեկ անցկացվող այս ցուցահանդեսին։ Հյուրընկալող հարթակում այն կունենա ցարական դարաշրջանին բնորոշ առանձին սրահ։
Ռուսաստանի ընդգրկումը հակասությունների պատճառ է դարձել Հռոմի և Բրյուսելի միջև․ Եվրոպական հանձնաժողովը նախազգուշացրել է, որ Ռուսաստանի ներգրավման դեպքում կարող է չեղարկել բիենալեի համար նախատեսված 2 միլիոն եվրո (2.3 միլիոն դոլար) դրամաշնորհը։
Իտալիայի փոխվարչապետ Մատտեո Սալվինին քննադատել է այդ սպառնալիքները՝ հայտարարելով, որ աշխարհում և Իրանում տեղի ունեցող իրադարձությունների ֆոնին Բրյուսելի կողմից իտալական մշակութային հաստատությունների հասցեին հնչող նախազգուշացումները «իսկապես ամոթ» են։