Ռուսաստանը արգելել է ևս 1 միլիոն շիշ «Ջերմուկի» վաճառքն ու շրջանառությունը

Ռուսաստանը արգելել է Հայաստանում արտադրված «Ջերմուկ» հանքային ջրի ևս մեկ խումբ արտադրանքի վաճառքն ու շրջանառությունը իր տարածքում։ Ռոսպոտրեբնադզորի տեղեկացմամբ, արգելքը վերաբերում է ևս 1 միլիոն շշի։ Գերատեսչությունը նշել է, որ որոշումը կայացվել է հանքային ջրի բաղադրության ստուգումների ընթացքում արձանագրված անհամապատասխանությունների պատճառով։

Ավելի վաղ ռուսական կողմը արգելել էր 338 հազար շիշ «Ջերմուկի» վաճառքը Ռուսաստանի տարածքում։ «Ջերմուկ Գրուպ»-ը առայժմ չի արձագանքում Ռուսաստանի Դաշնությունում «Ջերմուկ»-ի վաճառքի արգելքին։