Ռուբիոնն ու Ուիթքոֆֆը Մայամիում հանդիպել են Կատարի վարչապետին՝ Իրանի հետ պատերազմի դադարեցման հարցով
Մայամիում անցկացված գաղտնի դիվանագիտական հանդիպումն ԱՄՆ-ին և տարածաշրջանային միջնորդներին նոր խթան է տվել Իրանի հետ պատերազմի դադարեցման ուղղությամբ. ըստ աղբյուրների, ԱՄՆ պետքարտուղար Մարկո Ռուբիոն և Սպիտակ տան բանագնաց Սթիվ Ուիթքոֆֆը շաբաթ օրը հանդիպել են Կատարի վարչապետ Մուհամեդ բին Աբդուլրահման ալ-Թանիի հետ՝ հնարավոր համաձայնության ուղիները քննարկելու համար.
Չնայած պատերազմի սկզբից պաշտոնական միջնորդի դերն իր վրա վերցրել է Պակիստանը, Կատարը ակտիվորեն աշխատում է ստվերում. ԱՄՆ պաշտոնյաների փոխանցմամբ՝ Սպիտակ տունը Կատարին համարում է հատկապես արդյունավետ գործընկեր Իրանի հետ բանակցություններում. Աղբյուրներից մեկի տեղեկացմամբ՝ Կատարի վարչապետը նախատեսում էր անմիջապես վերադառնալ Դոհա, սակայն փոխել է ծրագրերը և մեկնել Մայամի.
այնտեղ գտնվելու ընթացքում նա զանգահարել է Սաուդյան Արաբիայի արտգործնախարարին՝ քննարկելու միջնորդական ջանքերը: Հանդիպման կենտրոնում, ըստ աղբյուրների, եղել է պատերազմն ավարտելու վերաբերյալ փոխըմբռնման հուշագրի հասնելու ուղին. մեկ այլ աղբյուրի խոսքով՝ Կատարը, Պակիստանը, Եգիպտոսը, Թուրքիան և Սաուդյան Արաբիան համատեղ աշխատում են համաձայնության հասնելու համար.
«Միջնորդները հորդորում են երկու կողմերին գնալ դեէսկալացիայի և կենտրոնանալ գործարքի կնքման վրա»,— փոխանցել է նա: Պետդեպարտամենտը այս առնչությամբ դեռևս պաշտոնական մեկնաբանություն չի տվել. շաբաթ օրվա կեսօրվա դրությամբ ԱՄՆ-ը շարունակում էր սպասել Իրանի վերջին արձագանքին: