ՌԴ ՊՆ-ն հայտնում է Սումիի և Դոնեցկի մարզերում նոր առաջխաղացման մասին

Ռուսաստանի պաշտպանության նախարարությունը այսօր հայտարարել է Ուկրաինայում արձանագրված նոր առաջխաղացման մասին։ Գերատեսչության հաղորդմամբ՝ ռուսական զորքերին հաջողվել է վերահսկողություն հաստատել Սումիի մարզի Կորչակովկա և Դոնեցկի մարզի Նովոալեքսանդրովկա բնակավայրերի նկատմամբ։

«Ռուսական զորքերի ակտիվ առաջխաղացումը Սումիի մարզում հնարավորություն է տալիս պետական սահմանից հետ մղել ուկրաինական ուժերին», — նշված է նախարարության հաղորդագրությունում։ Ռուսական կողմը նաև պնդում է, որ նման գործողություններով «ընդլայնում է սահմանի երկայնքով ձևավորվող անվտանգության գոտին»։

Նախարարությունն իր հայտարարությունում այս զարգացումները ներկայացնում է որպես սահմանային անվտանգության ապահովման շրջանակում իրականացվող քայլեր։