Չինաստանի Հունանում հրատեխնիկայի գործարանում պայթյունից 26 զոհ, 61 վիրավոր

Չինաստանի կենտրոնական Հունան նահանգում հրատեխնիկայի գործարանում տեղի ունեցած պայթյունից զոհերի թիվը հասել է 26-ի, իսկ վիրավորների թիվը՝ 61-ի, հաղորդում է Xinhua գործակալությունը։ Մայիսի 5-ին կայացած մամուլի ասուլիսում Չանշայի քաղաքապետը ցավակցություն է հայտնել զոհվածների ընտանիքներին և ներողություն խնդրել նրանցից, ինչպես նաև տուժած բնակիչներից ու ամբողջ հասարակությունից։

Մամուլի ասուլիսից առաջ ներկաները մեկ րոպե լռությամբ հարգել են զոհերի հիշատակը։ Պայթյունը տեղի է ունեցել մայիսի 4-ին՝ տեղական ժամանակով ժամը 16:43-ի սահմաններում, Լյույան քաղաքի գործարանում, որը գտնվում է Հունանի վարչական կենտրոն Չանշայի ենթակայության տակ։