Նիկոլ Փաշինյան. Խաղաղությունն եմ համարում վերջին տարիների ամենակարևոր ձեռքբերումը
Վարչապետ Նիկոլ Փաշինյանը հինգշաբթի Ազգային ժողովում հայտարարեց, որ վերջին տարիների ամենակարևոր ձեռքբերումը համարում է խաղաղությունը։ Նա այս մասին խոսեց խորհրդարանի նիստում՝ 2025 թվականի հաշվետվության քննարկման ընթացքում, որը վերաբերում է Հայաստանի կառավարության 2021-2026թթ.
ծրագրի իրականացման ընթացքին և արդյունքներին։ Փաշինյանի խոսքով՝ երկրորդ կարևոր ձեռքբերումը առողջապահական ապահովագրական համակարգն է և դրանից բխող սոցիալական ոլորտի այլ հաջողությունները։ Նա առանձնացրեց նաև երրորդ և յուրաքանչյուր հաջորդ երեխայի ծնունդն աջակցող ծրագրերը, ինչպես նաև մինչև երկու տարեկանի երեխաների խնամքի աջակցման ուղղված քայլերը։
Վարչապետը կարևորեց պետական համակարգում իրականացված փոփոխությունները՝ հատկապես ատեստավորման գործիքակազմը, ինչպես նաև բանակում մեկնարկած բարեփոխումները՝ դրանք բնորոշելով ռազմավարական նշանակության հաջողություններ։ «Համոզված եմ, որ այս հաջողությունները ինքնին շրջանաձև են և մեկը մյուսից պայմանավորված չեն, բայց դարձել են միմյանց խթան»,— հավելեց Փաշինյանը՝ ամփոփելով ներկայացրած առաջնահերթությունները խորհրդարանական լսումների շրջանակում։