Նեթանյահու. Թրամփի հետ համաձայն ենք՝ հարստացված ուրանը պետք է դուրս բերվի Իրանից

Իսրայելի վարչապետ Բենյամին Նեթանյահուն հայտարարել է, որ ամենօրյա ռեժիմով կապի մեջ է նախագահ Դոնալդ Թրամփի հետ և նրանց միջև կա լիակատար համաձայնություն այն հարցում, որ հարստացված ուրանը պետք է դուրս բերվի Իրանից։ «Մենք ունենք ընդհանուր նպատակներ, և ամենակարևոր նպատակն Իրանից հարստացված նյութերի դուրսբերումն է և հարստացման հնարավորությունների ապամոնտաժումը։

Նախագահ Թրամփը կարծում է, որ կարող է դրան հասնել այս կամ այն կերպ»,– ասել է Նեթանյահուն։ Նա միաժամանակ ընդգծել է, որ Իսրայելը պատրաստ է ցանկացած սցենարի. համապատասխան հրահանգներ արդեն տրված են Իսրայելի պաշտպանության բանակին և անվտանգության գործակալություններին։

«Իսրայելն ավելի ուժեղ է, քան երբևէ, իսկ Իրանը և նրա դաշնակիցները՝ ավելի թույլ, քան որևէ ժամանակ»,– ասել է Նեթանյահուն՝ հավելելով, որ երկրի անվտանգության կառույցները պահպանում են բարձր պատրաստականություն։