Մակրոնն Երևանում կոչ է անում պահպանել Հորմուզի նեղուցի բաց վիճակը՝ առանց որևէ վճարների
Ֆրանսիայի նախագահ Էմանյուել Մակրոնը, որը պետական այցով գտնվում է Հայաստանում, հայտարարեց, որ Հորմուզի նեղուցը պետք է բացվի բոլոր նավերի համար և առանց որևէ վճարումների։ Նա նաև ասաց, որ պատրաստվում է խոսել Իրանի նախագահի հետ, սակայն մանրամասներ չի հաղորդել այդ շփման բովանդակությունից։
«Չեմ կարող ասել, թե ինչ եմ նրան ասելու, բայց Ֆրանսիան ի սկզբանե նույն դիրքորոշումն ունի. մենք կոչ ենք անում ռազմական բոլոր գործողությունների դադարեցմանը, դիվանագիտական բանակցությունների մեկնարկին և հարգել տարածաշրջանի բոլոր երկրներին»,— ընդգծեց Մակրոնը՝ հիշեցնելով, որ նախօրեին դատապարտել է Միացյալ Արաբական Էմիրությունների նկատմամբ հարձակումը։
Ֆրանսիայի նախագահի խոսքով՝ անհրաժեշտ է ապահովել արդար և ազատ առևտուր՝ ըստ գործող կանոնակարգերի և ստորագրված համաձայնագրերի։ «Պետք է հարգել ստորագրված համաձայնագրերը. եթե դրանք կասկածի տակ են առնվում կամ եթե որևէ երկիր սպառնալիքների առաջ է կանգնում, այդ դեպքում Եվրամիությունը պետք է միջամտի»,— նշեց Մակրոնը։
Նա հավելեց, որ «ամեն ինչ սեղանին է դրված» և այս աշխարհաքաղաքական փուլում դաշնակիցները՝ ինչպես ԱՄՆ-ն, այնպես էլ ԵՄ-ն, «այլ անելիքներ ունեն, քան փորձեն ապակայունացնել իրավիճակը»։