Հայաստանը և Ֆրանսիան ստորագրեցին ռազմավարական գործընկերության համատեղ հռչակագիր
Հայաստանը և Ֆրանսիան ստորագրեցին ռազմավարական գործընկերության մասին համատեղ հռչակագիր՝ ազդարարելով երկկողմ հարաբերությունների նոր փուլ։ Ստորագրման արարողությունից հետո կայացած մամուլի ասուլիսում վարչապետ Նիկոլ Փաշինյանը նշեց.
«Եթե մենք առանց ռազմավարական գործընկերություն հաստատելու մասին համաձայնագիր ու փաստաթուղթ ունենալու էսքան ենք արել, պատկերացնում եմ՝ ռազմավարական գործընկերություն հաստատելուց հետո դեռ ինչ հաջողություններ ու նվաճումներ են մեզ սպասվում»։ Ֆրանսիայի նախագահ Էմանյուել Մակրոնը, իր հերթին, ասաց.
«Վերջին տարիներին ցանկացել ենք արդիականացնել Հայաստանի զինված ուժերը, ինքնապաշտպանությունը ամրապնդել։ Կարելի է ասել, սա մեր երկկողմ հարաբերությունների կարևոր հիմնասյունն է»։ Ըստ կողմերի հայտարարությունների, Հայաստանի զինված ուժերի արդիականացումն ու ինքնապաշտպանության ամրապնդումը առանձնացվել են որպես համագործակցության առանցքային ուղղություն, որը Մակրոնի գնահատմամբ հանդիսանում է հայ-ֆրանսիական հարաբերությունների կարևոր հիմնասյուն։