ԻՀՊԿ-ն խոստանում է ապահովել նավերի անվտանգ անցումը Հորմուզի նեղուցով՝ ընթացակարգերի պահպանման դեպքում
Իրանի Իսլամական հեղափոխության պահապանների կորպուսը հայտարարել է, որ պատրաստ է ապահովել նավերի անվտանգ անցումը Հորմուզի նեղուցով՝ այն պայմանով, որ նավերը պահեն Թեհրանի կողմից սահմանված նոր ընթացակարգերը։ X հարթակում տարածված հաղորդագրությամբ կորպուսը նշել է.
«Ագրեսորի կողմից գեներացվող սպառնալիքների բացակայության և Իրանի կողմից մշակված նոր ընթացակարգերի գործողության պայմաններում, անվտանգ և կայուն անցումը Հորմուզի նեղուցով երաշխավորված կլինի»։ Կորպուսի փոխանցմամբ, Իրանի կիրառվող կանոնները նախօրեին մտել են ուժի մեջ։
Դրանց համաձայն՝ նեղուցը հատել ցանկացող նավերը պետք է իրենց գործողությունները համապատասխանեցնեն նոր ներդրված համակարգի պահանջներին և անցումից առաջ ստանան թույլտվություն։ Հորմուզի նեղուցը Պարսից ծոցն ու բաց ծովը կապող կարևոր նավագնացային սեղմակետ է, և դրա անցման կանոնները սովորաբար գտնվում են միջազգային ուշադրության կենտրոնում։