Թրամփը հայտարարեց, որ Վենսը չի գլխավորի ԱՄՆ պատվիրակությունը Իսլամաբադում Իրանի հետ բանակցություններում
ԱՄՆ նախագահ Դոնալդ Թրամփը հայտարարել է, որ փոխնախագահ Ջեյ Դի Վենսը չի գլխավորի ամերիկյան պատվիրակությունը Իրանի հետ սպասվող բանակցություններում։ «Միակ պատճառն անվտանգությունն է», ասել է նա ABC-ի եթերում՝ հավելելով, որ «Ջեյ Դին հրաշալի է»։ Թրամփը ավելի վաղ սոցիալական ցանցում գրել էր, որ ամերիկացի բանագնացները վաղը երեկոյան կլինեն Պակիստանի մայրաքաղաք Իսլամաբադում՝ բանակցելու Իրանի հետ։
Նա չի հայտնել այլ մանրամասներ բանակցությունների կամ պատվիրակության կազմի վերաբերյալ։ Աղբյուրների հիշեցմամբ, նախորդ շաբաթավերջին Իսլամաբադում կայացած բանակցությունների ընթացքում ամերիկյան պատվիրակությունը առաջնորդում էր Վենսը։ Թրամփը չի նշել, թե ով այս անգամ կղեկավարի ԱՄՆ պատվիրակությունը, ինչպես նաև չի պարզաբանել, թե ինչ անվտանգության նկատառումներով է ընդունվել Վենսի մասին որոշումը։