Թեհրանի մերձակայքում առևտրի կենտրոնի հրդեհ. 11 զոհ, 41 վիրավոր՝ ըստ իրանական աղբյուրների

Թեհրանի մերձակայքում գտնվող առևտրի կենտրոններից մեկում երեկ երեկոյան բռնկված հրդեհի հետևանքով 11 մարդ է զոհվել, ևս 41-ը վիրավորվել են։ Այս մասին հաղորդում են իրանական աղբյուրները՝ վկայակոչելով Թեհրանի արվարձան Շահրիար բնակավայրի ղեկավարին։ Իրանցի պաշտոնյայի համաձայն, կրակի արագ տարածմանը նպաստել է այն հանգամանքը, որ առևտրի կենտրոնի ճակատային հատվածը կառուցված էր ոչ հրակայուն նյութերից։

Նույն կենտրոնը, ըստ նույն աղբյուրի, ներառում էր ավելի քան 250 խանութ և 50 գրասենյակ։ Իրանական լրատվամիջոցների փոխանցմամբ, հրդեհի ծագման պատճառները դեռ հետաքննվում են։