Զախարովա. ԵՄ նոր առաքելությունը Հայաստանում կփորձի ազդել ԱԺ ընտրությունների արդյունքների վրա
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Եվրամիության նոր քաղաքացիական առաքելությունը Հայաստանում «կփորձի ազդել խորհրդարանական ընտրությունների արդյունքների վրա»։ Նրա խոսքով՝ գործարկվող մեխանիզմը Բրյուսելին հավելյալ լծակներ կհամարի հայկական նախարարությունների և ազգային ինստիտուտների վրա ազդելու համար։
Եվրամիությունը այս շաբաթ հավանություն է տվել Հայաստանում նոր քաղաքացիական առաքելության մեկնարկին, որը պետք է օգնի Երևանին պայքարել հիբրիդային սպառնալիքների՝ ընտրական գործընթացների օտարերկրյա մանիպուլյացիաների, կիբեռհարձակումների և անօրինական քաղաքական ֆինանսավորման դեմ։
Առաքելությունը նախատեսվում է սկսել առաջիկա ամիսներին, կգործի երկու տարվա մանդատով և կոչվելու է «Հայաստանի Հանրապետությունում Եվրոպական միության գործընկերության առաքելություն» (EUPM Armenia)։ Հայաստանի արտաքին գործերի նախարարությունը ողջունել է առաքելության վերաբերյալ ընդունված որոշումը։
Զախարովան նաև հույս է հայտնել, որ Հայաստանի իշխանությունները թույլ չեն տա, որպեսզի ԵՄ նոր առաքելությունը երկրում կիրառվի Երևանի «հակառուսական քաղաքականությանը» միացնելու համար։