Երևանի Շերամի փողոցում հրդեհ է բռնկվել անձեռոցիկի արտադրամասում

Մարտի 20-ի գիշերը Երևանի Շերամի փողոցում գտնվող անձեռոցիկի արտադրամասում հրդեհ է բռնկվել։ ՆԳՆ 112 օպերատիվ կառավարման կենտրոնը ահազանգ է ստացել ժամը 00:13-ին՝ կրակի մասին հաղորդումով։ Դեպքի վայր են ժամանել ՆԳՆ Փրկարար ծառայության Երևան քաղաքի փրկարարական վարչության չորս հրշեջ-փրկարարական ջոկատներ և հրդեհաշիջման ու փրկարարական աշխատանքների կազմակերպման բաժնի հերթապահ խումբը։

Հրդեհը մեկուսացվել է ժամը 00:50-ին, իսկ մարվել՝ 01:25-ին։ Հրշեջները հայտնել են, որ մոտ 100 քառակուսի մետր տարածքում այրվել է աղբ։ Տուժածների մասին տեղեկություններ չկան։ Հրդեհի պատճառների պարզումը շարունակվում է։