Արաղչին ԱՄՆ-ին մեղադրում է դիվանագիտական ջանքերը խարխլելու համար

Իրանի արտաքին գործերի նախարար Աբբաս Արաղչին ԱՄՆ-ին մեղադրել է դիվանագիտական ջանքերը խարխլելու մեջ՝ հայտարարելով, որ ամեն անգամ, երբ սեղանին է դրվում դիվանագիտական լուծում, Վաշինգտոնը ընտրում է «ռազմական անխոհեմ արկածախնդրություն»։ Սոցիալական ցանցում արված գրառմամբ Արաղչին հարցրել է, թե արդյոք սա «կոպիտ ճնշման մարտավարություն» է, թե՞ արդյունքն այն բանի, որ «ինչ-որ մեկը կրկին նախագահին խաբեությամբ տանում է դեպի մեկ այլ ճահիճ»։

Նրա ձևակերպմամբ՝ անկախ պատճառներից, հետևանքը նույնն է։ Արաղչին նաև պնդել է, թե Իրանի հրթիռային պահուստները և արձակման հզորությունը փետրվարի 28-ի համեմատ ոչ թե 75 տոկոս է, այլ՝ 120 տոկոս։ Նրա խոսքով՝ իրանցիները երբեք չեն ընկրկում ճնշմանը։